samiinfo

2016

மதுபான விற்பனை மூலம் அரசாங்கத்தின் திறைசேரிக்கு அதிகப் பணத்தை அனுப்பி வைப்பது யாழ். மாவட்டமே

By: sifi on 8:29:00 AM / comment : 0 all

யாழ்ப்பாணத்தில் நடைபெற்ற நிகழ்வுகள் சிலவற்றில் ஜனாதிபதி மைத்திரிபால சிறிசேன கலந்துகொண்டார்.

”போதையிலிருந்து விடுதலையான நாடு” எனும் தொனிப்பொருளில் நடைபெற்ற நிகழ்வில் ஜனாதிபதி மைத்திரிபால சிறிசேன கலந்துகொண்டார்.

யாழ். முற்றவெளி மைதானத்தில் இன்று முற்பகல் இடம்பெற்ற இந்த நிகழ்வில் ஜனாதிபதி பின்வருமாறு கருத்துத் தெரிவித்தார்,

சத்தமிட்டு ஆர்ப்பாட்டம் செய்து பல்வேறு விடயங்களைக் கேட்பவர்கள், எங்களுக்குத் தேவையற்ற விடயங்களும் சமூகத்திலுள்ளதை கவனத்தில் கொள்ள வேண்டும். சாராயம் விற்பனை செய்யும் மதுபானசாலையை மூடுமாறு யாரும் ஆர்ப்பாட்டம் செய்வதில்லை. பேதைப்பொருளுக்கு எதிராக யாரும் ஆர்ப்பாட்டத்தில் ஈடுபடுவதுமில்லை, அதற்காக வீதியில் இறங்குவதுமில்லை. தேவையற்ற விடயங்களுக்காக இந்த நாட்டில் ஆர்ப்பாட்டத்தில் ஈடுபடுவோர் ஏன் ஆர்ப்பாட்டத்தில் ஈடுபடுகின்றனர் என நான் உங்களிடம் கேட்கின்றேன். உங்களுக்கு ஒரு கவலையான விடயத்தைக் கூற விரும்புகின்றேன். நாட்டின் 25 நிர்வாக மாவட்டங்களுள் யாழ்ப்பாணமும் ஒன்று என்பதை நீங்கள் அறிவீ்ர்கள். அதிகமாக மதுபானம் விற்பனை செய்து, அரசாங்கத்தின் திறைசேரிக்கு அதிகப் பணத்தை அனுப்பி வைப்பது யாழ். மாவட்டமே. இங்கு 69 – 70 மதுபானசாலைகள் காணப்படுகின்றன. வடமாகாணத்தில் யாழ். மாவட்டமானது போதைப்பொருள் பாவனை அதிகமாகக் காணப்படுகின்ற மாவட்டம் என்பதை மறந்து விடவேண்டாம்.

என குறிப்பிட்டார்.

இந்நிகழ்வில் போதைப்பொருள் தொடர்பான ஆவணம், அரசாங்க அதிபர் நாகலிங்கம் வேதநாயகத்தால் ஜனாதிபதி மைத்திரிபால சிறிசேனவிடம் கையளிக்கப்பட்டது.

இதன்போது போதைப்பொருளுக்கு எதிரான உறுதி மொழியும் எடுக்கப்பட்டது.

அதனையடுத்து, ஜனாதிபதி மைத்திரிபால சிறிசேன யாழ். மத்திய கல்லூரியின் 200 ஆவது ஆண்டு நிறைவு விழாவில் பிரதம விருந்தினராகக் கலந்துகொண்டார்.

இந்த நிகழ்வு அதிபர் எஸ்.எழில்வேந்தன் தலைமையில் இடம்பெற்றது.

வடமாகாண முதலமைச்சர் சி.வி.விக்னேஸ்வரன், கல்வி இராஜாங்க அமைச்சர் வீ.இராதாகிருஷ்ணன், இராஜாங்க அமைச்சர் விஜயகலா மகேஸ்வரன், வடமாகாண கல்வி அமைச்சர் த.குருகுலராஜா மற்றும் பாராளுமன்ற உறுப்பினர்களான அங்கஜன் இராமநாதன், டக்ளஸ் தேவானந்தா ஆகியோரும் இந்த நிகழ்வில் பிரசன்னமாகியிருந்தனர்.

யாழ். மத்திய கல்லூரியின் 200 ஆவது ஆண்டு பூர்த்தியை முன்னிட்டு முத்திரையொன்றும் வெளியிடப்பட்டது.

இதேவேளை, யாழ்ப்பாணத்தில் புதிதாக நிர்மாணிக்கப்பட்ட பொலிஸ் நிலைய திறப்பு விழா ஜனாதிபதியால் இன்று திறந்து வைக்கப்பட்டது.

பொலிஸ் அணிவகுப்பு மரியாதை மற்றும் பாரம்பரிய கலை நிகழ்வுகளுடன் ஜனாதிபதி மைத்திரிபால சிறிசேன வரவேற்கப்பட்டார்.

இந்த நிகழ்வில் சட்டம் ஒழுங்கு அமைச்சர் சாகல ரத்நாயக்க, பொலிஸ் மா அதிபர் பூஜித் ஜயசுந்தர உட்பட அரசியல் பிரதிநிதிகள் பலரும் கலந்து கொண்டிருந்தனர்.

தமிழ் தேசியக் கூட்டமைப்பு என்ற அங்கியைக் களைந்து விட்டு வருமாறு சம்பந்தனுக்கு ஆனந்தசங்கரி அழைப்பு

By: sifi on 8:28:00 AM / comment : 0 all

தமிழ் தேசியக் கூட்டமைப்பு என்ற அங்கியைக் களைந்து விட்டு சுத்தமான கையுடன் அரங்கத்திற்கு வருமாறு தமிழ் விடுதலைக் கூட்டணியின் செயலாளர் நாயகம் வீ. ஆனந்தசங்கரி எதிர்க்கட்சித்தலைவர் இரா. சம்பந்தனுக்கு அழைப்பு விடுத்துள்ளார்.

தமிழர் விடுதலைக் கூட்டணியின் செயலாளர் நாயகம் வீ. ஆனந்தசங்கரி கடிதமொன்றினூடாகவே எதிர்க்கட்சித் தலைவர் இரா. சம்பந்தனுக்கு இந்த அழைப்பை விடுத்துள்ளார்

தமிழ் தேசியக் கூட்டமைப்பு என்ற பதம் துஷ்பிரயோகம் செய்யப்பட்டு அதன் நாணயத்தை இழந்துள்ளதாகவும் இதனால் பொதுமக்களுக்கு எவ்வித நன்மையும் ஏற்படவில்லை எனவும் ஆனந்தசங்கரி அனுப்பி வைத்துள்ள கடிதத்தில் சுட்டிக்காட்டப்பட்டுள்ளது

தமிழ் மக்களின் பரிதாபகரமான நிலையை உணராமல் கூட்டமைப்பு உறுப்பினர் காலம் கடத்தி வருவதாகவும் குறித்த கடிதத்தில் குறிப்பிடப்பட்டுள்ளது.

தமிழ் மக்களின் பாதுகாவலர்கள் என தம்மைப் பறைசாற்றி, விடுதலைப் புலிகளையும் தமிழ் மக்களையும் தமிழ் தேசியக் கூட்டமைப்பு கைவிட்டு விட்டதாக தமிழர் விடுதலைக் கூட்டணியின் செயலாளர் நாயகம் வீ. ஆனந்தசங்கரி அனுப்பியுள்ள கடிதத்தில் சுட்டிக்காட்டப்பட்டுள்ளது.

தமிழர் விடுதலைக் கூட்டணி சில நோக்கங்களை அடைவதற்கு எத்தகைய கஷ்டங்களுக்கும் முகம்கொடுக்கத் தயாராக உள்ளது என்ற தலைப்பில் ஆறு விடயங்களை தமது அறிக்கையில் குறிப்பிட்டுள்ளது.

அதில் முதலாவதாக, இந்த நாட்டில் மீண்டும் ஒரு யுத்தம் ஏற்படாதவாறு தடுக்க திடசங்கற்பம் பூண்டுள்ளதாகவும், அவ்வாறான நிலைமைகளைத் தடுப்பதற்கு தமிழர் விடுதலை கூட்டணி செயற்படுவதாகவும் இராணுவத்தினருக்கு பதிலாக பொலிஸாரின் எண்ணிக்கையை அதிகரிப்பதற்கு நடவடிகை எடுக்கப்படும் எனவும் அந்த அறிக்கையில் குறிப்பிடப்பட்டுள்ளது.

யுத்தத்தில் நேரடியாகவோ மறைமுகமாகவோ ஈடுபட்டதாக தடுப்புக்காவலில் வைக்கப்பட்டுள்ள அனைவரையும் எதுவித விசாரணைகளுமின்றி பொதுமன்னிப்பு பெற்றுக்கொடுக்க அரசுடன் பேச்சுவார்த்தை நடத்துததல் உள்ளிட்ட ஆறு விடயங்கள் குறித்த அறிக்கையில் தெளிவுபடுத்தப்பட்டுள்ளன.

ரங்கலயில் 56 வயதானவரைக் காணவில்லை

By: sifi on 12:10:00 AM / comment : 0 all

கண்டி, ரங்கல, எலகொல்ல தோட்டத்தைச் சேர்ந்த ஒருவர் காணாமற்போனமை தொடர்பில் விசாரணைகள் முன்னெடுக்கப்பட்டுள்ளன.

தேயிலைத் தொழிற்சாலையில் உத்தியோகஸ்தராக தொழில்புரிந்த 56 வயதான சின்னையா பாலசுப்ரமணியம் என்பவர் கடந்த 30 ஆம் திகதி காணாமற்போயுள்ளதாக பொலிஸார் குறிப்பிட்டனர்.

கடந்த 30 ஆம் திகதி தன்னிடம் 4000 ரூபா பணத்தை வழங்கிவிட்டுச் சென்றவர், 2.30 அளவில் தொலைபேசியில் தொடர்பு கொண்டு தான் இருக்குமிடம் தெரியவில்லை என தெரிவித்ததுடன், அழைப்பு துண்டிக்கப்பட்டதாக காணாமற்போனவரின் மனைவி குறிப்பிட்டார்.

இந்த சம்பவம் தொடர்பில் ரங்கல பொலிஸ் நிலையத்தில் முறைப்பாடு செய்யப்பட்டுள்ளது.

அதற்கமைய, விசாரணைகள் ஆரம்பிக்கப்பட்டுள்ளதுடன், அண்மித்த பகுதியிலுள்ள அனைத்து பொலிஸ் நிலையங்களுக்கும் அறிவிக்கப்பட்டுள்ளதாக ரங்கல பொலிஸார் குறிப்பிட்டனர்.

ஶ்ரீலங்கா சுதந்திரக் கட்சியின் 65 ஆவது வருடாந்த சம்மேளனம் இன்று

By: sifi on 12:09:00 AM / comment : 0 all

ஶ்ரீலங்கா சுதந்திரக் கட்சியின் 65 ஆவது வருடாந்த சம்மேளனம் இன்று குருணாகல் மாளிகாபிட்டியவில் நடைபெறவுள்ளது.

இன்று பிற்பகல் 2 மணியளவில் மாநாட்டை ஆரம்பிப்பதற்கான அனைத்து ஏற்பாடுகளும் தயார் என ஐக்கிய மக்கள் சுதந்திரக் கூட்டமைப்பின் பொதுச் செயலாளர் மஹிந்த அமரவீர கூறினார்.

குருணாகல் நகரில் அனைத்து ஏற்பாடுகளும் பூர்த்தி செய்யப்பட்டுள்ளதுடன் பெருமளவிலான மக்கள் ஶ்ரீலங்கா சுதந்திரக் கட்சியின் இன்றைய சம்மேளனத்தில் பங்கேற்பார்கள் எனவும் அவர் குறிப்பிட்டார்

இலங்கை போக்குவரத்து சபையால் அனுமதிக்கப்பட்ட பஸ்களுடன் தனியார் பஸ்களும் ஶ்ரீலங்கா சுதந்திரக் கட்சியின் 65 ஆவது வருடாந்த சம்மேளனத்துக்காக போக்குவரத்திற்காக ஏற்பாடு செய்யப்பட்டுள்ளதாக அமைச்சர் மஹிந்த அமரவீர தெரிவித்தார்.

இதேவேளை குருணாகல் மாளிகாப்பிட்டியில் நடைபெறும் சம்மேளனத்திற்கு விசேட பாதுகாப்பு வேலைத்திட்டமொன்று நடைமுறைப்படுத்தப்பட்டுள்ளது.

இதற்காக 1500 அதிகாரிகள் கடமையில் ஈடுபடுத்தப்பட்டுள்ளதாக குருணாகலின் சிரேஷ்ட பொலிஸ் அத்தியட்சகர் மஹேஷ் சேனாரத்ன கூறினார்.

இதற்கு அமைவான இன்று நண்பகல் 12 மணியிலிருந்து குருணாகல் நகரை அண்மித்த பகுதியில் விசேட போக்குவரத்துத் திட்டமொன்று நடைமுறைப்படுத்தவுள்ளதாக சிரேஷ்ட பொலிஸ் அத்தியகட்சகர் மஹேஷ் சேனாரத்ன குறிப்பிட்டுள்ளார்.

இதேவேளை ஶ்ரீலங்கா சுதந்திரக் கட்சியின் சம்மேளனத்திற்கு வருகை தருவதற்காக 1500 இலங்கை போக்குவரத்து சபைக்கு சொந்தமான பஸ்கள் கோரப்பட்டுள்ளதாக இலங்கை போக்குவரத்து சபை தெரிவித்துள்ளது.

இந்த பஸ்களுக்கு 19 மில்லியன் ரூபா அறிவிடப்படவுள்ளதாக போக்குவரத்து சபையின் தலைவர் ரமணி சிறிவர்த்தன கூறினார்.

அத்துடன் ஶ்ரீலங்கா சுதந்திரக் கட்சியின் 65 ஆவது வருடாந்த சம்மேளனம் இன்று பிற்பகல் 2 மணியிலிருந்து சிரச தொலைக்காட்சி ஊடாக நேரடியாக ஔிப்பரப்பு செய்வதற்கான அனைத்து ஏற்பாடுகளும் பூர்த்தி செய்யப்பட்டுள்ளன.

மாத்தளையில் நீரில் மூழ்கி உயிரிழந்த சிறுவனின் பிரேதப் பரிசோதனை இன்று

By: sifi on 12:09:00 AM / comment : 0 all

மாத்தளை பெரிய செல்வகந்தைப்பகுதியில் உள்ள நீரில் மூழ்கி உயிரிழந்த சிறுவனின் பிரேதப் பரிசோதனைகள் இன்று இடம்பெறவுள்ளன.

நேற்று (03) மாலை பெரிய செல்வகந்த பகுதியில் உள்ள நீரோடையில் தமது நண்பர்களுடன் நீராடச் சென்ற சிறுவனே நீரில் மூழ்கி உயிரிழந்துள்ளதாக பொலிஸார் கூறினர்.

தமது மேலதிக வகுப்புக்கு சென்று வீடு திரும்பும் வழியில் தனது 5 நண்பர்களுடன் நீராடச் சென்ற 14 வயதான சிறுவனே இவ்வாறு உயிரிழந்துள்ளார்.

உயிரிழந்த சிறுவன் மாத்தளையின் தம்பலகல்ல பகுதியைச் சேர்ந்தவர் என பொலிஸார் தெரிவித்தனர்.

சிறுவனின் சடலம் மாத்தளை பொது வைத்தியசாலையில் வைக்கப்பட்டுள்ளது.

சம்பவம் தொடர்பில் கந்தேநுவர பொலிஸார் விசாரணைகளை முன்னெடுத்து வருகின்றனர்.

உத்தியோகபூர்வ விஜயம் மேற்கொண்டு சிங்கப்பூர் சென்ற பிரதமர் நாடு திரும்பினார்

By: sifi on 12:08:00 AM / comment : 0 all

உத்தியோகபூர்வ விஜயம் மேற்கொண்டு சிங்கப்பூர் சென்ற பிரதமர் ரணில் விக்ரமசிங்க உள்ளிட், குழுவினர் நேற்று (03) இரவு நாடு திரும்பினர்.

சிங்கப்பூர் விமான சேவைக்கு சொந்தமான விமானமொன்றின் மூலம் பிரதமர் நேற்று இரவு 11 மணியளவில் நாட்டை வந்தடைந்ததாக கட்டுநாயக்க விமான நிலையத்தின் கடமை நேர முகாமையாளர் தெரிவித்தார்.

இந்து சமுத்திர மாநாட்டில் பங்கேற்பதற்காக பிரதமர் ரணில் விக்ரமசிங்க உள்ளிட்ட குழுவினர் நேற்று முன்தினம் அதிகாலை சிங்கப்பூர் சென்றிருந்தனர்.

இந்து சமுத்திரத்தை பாதுகாக்க புதிய சட்டக்கட்டமைப்பொன்றின் அவசியம் குறித்து பிரதமர் ரணில்விக்ரமசிங்க சுட்டிக்காட்டினார்.
தமது விஜயத்தில் பிரதமர் ரணில் விக்ரமசிங்க ,அமெரிக்காவின் தெற்கு மற்றும் மத்திய ஆசிய விவகாரங்களுக்கான துணை இராஜாங்க செயலாளர் நிஷா பிஸ்வாலை சந்தித்தமை குறிப்பிடத்தக்கது.

samiinfo

Slider

Labels

FFFFFFFFFFFFFFFFFFFFFFF

all

Populars

Contact Form

Archive

aaaaaaaaaaaaaaaa

all

bbbbbbbbbbbbbbbbbbb

all

Author Name

HHHHHHHHHHHHHHHHHHHHH

Complex Style

Top Featured

ddddddddddddddddddd

Top Featured

Recent Tube

Wisata

Favourite

Event

Culture

Gallery

மதுபான விற்பனை மூலம் அரசாங்கத்தின் திறைசேரிக்கு அதிகப் பணத்தை அனுப்பி வைப்பது யாழ். மாவட்டமே

தமிழ் தேசியக் கூட்டமைப்பு என்ற அங்கியைக் களைந்து விட்டு வருமாறு சம்பந்தனுக்கு ஆனந்தசங்கரி அழைப்பு

ரங்கலயில் 56 வயதானவரைக் காணவில்லை

ஶ்ரீலங்கா சுதந்திரக் கட்சியின் 65 ஆவது வருடாந்த சம்மேளனம் இன்று

மாத்தளையில் நீரில் மூழ்கி உயிரிழந்த சிறுவனின் பிரேதப் பரிசோதனை இன்று

உத்தியோகபூர்வ விஜயம் மேற்கொண்டு சிங்கப்பூர் சென்ற பிரதமர் நாடு திரும்பினார்

About Me

Popular Posts

Flickr Stream

Pages